МАҚОМОТИ ИҶРОИЯИ ҲОКИМИЯТИ ДАВЛАТИИ
 ШАҲРИ НОРАК
 

 

 

 

 

Апрел 2024
Норак

Табрикоти раиси шаҳри Норак Асозода Дилшод Алимурод бахшида ба Рўзи кормандони мақомоти молия

Дар асоси Қонуни Ҷумҳурии Тоҷикистон “Дар бораи рӯзҳои ид” ҳамасола 7-уми декабр Рӯзи кормандони мақомоти молия таҷлил карда мешавад. Ба ифтихори ин санаи фархунда кулли кормандони Вазорати молияи Ҷумҳурии Тоҷикистон ва сохторҳои маҳаллии онро бо иди касбиашон табрику таҳният гуфта, баҳрашон саломативу бурдборӣ ва комёбиҳову муваффақиятҳои касбӣ орзумандам.
 
Ҳадафи ҳамасола ҷашн гирифтани Рӯзи молиячиён пеш аз ҳама эҳтирому арҷ гузоштан ба кормандони ин соҳаи муҳим ва эътирофи нақши онҳо дар таъмини ояндаи дурахшони кишвар мебошад. Кормандони соҳаи молияи кишвар нақши арзандаи худро дар рушди иҷтимоиву иқтисодии кишвар гузошта истодаанд.
 

Муфассал: Табрикоти раиси шаҳри Норак Асозода Дилшод Алимурод бахшида ба Рўзи кормандони мақомоти молия

НАҚШИ КИТОБИ «ТОҶИКОН»-И БОБОҶОН ҒАФУРОВ ДАР ШИНОХТИ МИЛЛАТӢ ТОҶИК

Бе надонистани таърихи миллати худ ояндаро бунёд кардан ғайриимкон аст. Таърихи инсоният гувоҳ аст, ки халқи тоҷик аз замони қадим чун мардуми созандаву бунёдкор маъруфанд ва ин анъанаи неку бостонии хешро идома дода истодаанд. Фарзандони фарзонаи бо нангу номус ва содиқу ҷасури тоҷик дар ҳама давру замон марзу буми аҷдодӣ ва арзишҳои миллии халқи тоҷикро ҳимоя карда, қаҳрамонӣ нишон додаанд. Дар ташаккули ҳар як халқу миллат бузургоне ҳастанд, ки номи онҳо дар ҳеҷ давру замон аз хотири мардум фаромӯш намешавад.
 
Хушбахтона, чунин шахсиятҳо дар таърихи тамаддуни миллати тоҷик кам нестанд ва онҳо на танҳо ифтихори миллати мо, балки боиси сарафрозии мардуми олам гардидаанд. Академик Бобоҷон Ғафуров узви фахрии Созмонҳои илмии кишварҳои хориҷӣ, доктори фахрии як қатор созмонҳо ва донишгоҳҳои мӯътабари дохилӣ ва хориҷӣ, дорандаи мукофоти байналмилалии ба номи Ҷавоҳирлаъл Неҳру ва мукофотҳои давлатҳои хориҷӣ, аз зумраи абармардони бо нангу номуси миллати тоҷик мебошад, ки бо навишани шоҳасари гаронбаҳо – «Тоҷикон» миллати тоҷикро ҳамчун миллати тамаддунсозу таърихӣ ба наслҳои гузаштаву имрӯза ва оянда муаррифӣ менамояд.
 

Муфассал: НАҚШИ КИТОБИ «ТОҶИКОН»-И БОБОҶОН ҒАФУРОВ ДАР ШИНОХТИ МИЛЛАТӢ ТОҶИК

ҲАЁТ-БЕ ЗӮРОВАРӢ ГУВОРОСТ БАРГУЗОРИИ ҲАМОИШ ДАР ШАҲРИ НОРАК

Тибқи нақша чорабиниҳои мақомоти иҷроияи шаҳри Норак санаи 4 декабри соли 2023 дар толори мақомоти иҷроияи шаҳри Норак бо иштироки муовини раиси шаҳри Норак Ҳакимзода Зуҳро, мудири шубаи маорифи назди мақомоти иҷроияи ҳокимияти давлатии шаҳр-Ҳайдарзода Садбарг, мудири бахши кор бо занон ва оилаи назди мақомоти иҷроияи ҳокимияти давлатии шаҳр-Шулашова Ҳабиба, мудири бахши САҲШ-и шаҳри Норак- Саидмуродзода Сарвиноз ва занону бонувони корхонаю муассисаҳои шаҳр ҳамоиш таҳти унвони «Ҳаёт-бе зуроварӣ гуворост» баргузор гардид.
 
Чорабинии мазкур бо мақсади иҷрои банди 2-и Нақшаи чорабиниҳои мақомоти иҷроияи ҳокимияти давлати шаҳри Норак Оид ба татбиқи қарори Ҳукумати Ҷумҳурии Тоҷикистон аз 3 декабри соли 2014, №294 «Дар бораи Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023», ки бо қарори Раиси шаҳри Норак аз 23 июни соли 2014, №242 тасдиқ гардидааст, доир шудааст.
 

Муфассал: ҲАЁТ-БЕ ЗӮРОВАРӢ ГУВОРОСТ БАРГУЗОРИИ ҲАМОИШ ДАР ШАҲРИ НОРАК

БАРГУЗОРИИ ХОНИШХОИ СИЁСӢ ТАҲТИ УНВОНИ "ТАРБИЯИ ВАТАНДӮСТИИ ШАҲРВАНДОН - ОМИЛИ ТАҲКИМИ ПОЯҲОИ ДАВЛАТДОРӢ"

Дар доираи Нақша чорабиниҳои хонишҳои сиёсӣ бо мақсади ташакулли мафкураи ҳуқуқии ҷавонон ва аҳолӣ таҳти унвони "ТАРБИЯИ ВАТАНДӮСТИИ ШАҲРВАНДОН - ОМИЛИ ТАҲКИМИ ПОЯҲОИ ДАВЛАТДОРӢ" бо иштироки муовини раиси шаҳри Норак Ҳакимзода Зуҳро, мудири шубаи маорифи шаҳр Ҳайдарзода Садбарг, мудири бахши кор бо ҷавонон ва варзиши шаҳр Зайниддинов Азамат, мудири бахши САҲШ-и шаҳри Норак Саидмуродзода Сарвиноз, ва роҳбарияти муасисаи таълимӣ дар муассисаи таҳсилоти миёнаи умумии рақами 9-и маҳаллаи Энергетикии шаҳри Норак бо хонандагони сину соли 14-16 ва 17-18 сола ва волидайни онҳо гузаронида шуд.
Дар рафти сӯҳбат вобаста ба дастуру супоришҳои Президенти Ҷумҳурии Тоҷикистон дар Паёми навбатиашон ба Маҷлиси Олии Ҷумҳурии Тоҷикистон ироа гардид расонида шуд. Ҳамзамон тарғиби васеъ вобаста ба дастовардҳо ва созандагиҳои Асосгузори сулҳу Ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар тӯли 32 соли соҳибистиқлолӣ Ҷумҳурии Тоҷикистон ба даст омадааст.
 

БАРГУЗОРИИ ХОНИШХОИ СИЁСӢ ТАҲТИ УНВОНИ "ТАРБИЯИ ВАТАНДӮСТИИ ШАҲРВАНДОН - ОМИЛИ ТАҲКИМИ ПОЯҲОИ ДАВЛАТДОРӢ"

Дар доираи Нақша чорабиниҳои хонишҳои сиёсӣ бо мақсади ташакулли мафкураи ҳуқуқии ҷавонон ва аҳолӣ таҳти унвони "ТАРБИЯИ ВАТАНДӮСТИИ ШАҲРВАНДОН - ОМИЛИ ТАҲКИМИ ПОЯҲОИ ДАВЛАТДОРӢ" бо иштироки Сардори раёсати дасгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон-Иброҳимзода Амир, муовини раиси шаҳри Норак-Ҳакимзода Зуҳро, мудири шубаи маорифи шаҳр Ҳайдарзода Садбарг, мудири бахши кор бо ҷавонон ва варзиши шаҳр Зайниддинов Азамат, ва роҳбарияти муасисаи таълимӣ дар муассисаи таҳсилоти миёнаи умумии рақами 4-и деҳаи Тутқавули Ҷамоати деҳоти Пули Сангини шаҳри Норак бо хонандагони сину соли 14-16 ва 17-18 сола ва волидайни онҳо гузаронида шуд.