Ҷиҳати дар амал татбиқ намудани Амри Президенти Ҷумҳурии Тоҷикистон аз 2 феврали соли 2023, №АП-330 даври якуми озмуни ҷумҳуриявии “Фуруғи субҳи доноӣ китоб аст” бо иштироки муовини раиси шаҳри Норак Ҳакимзода Зуҳро байни доираи васеи хонандагони муассисаҳои таълимии шаҳр ташкил ва гузаронида шуд, ки дар он довталабон аз рӯйи 3 номинатсия иштирок намуданд.

 

Боиси зикр аст, ки озмуни ҷумҳуриявии “Фурӯғи субҳи доноӣ китоб аст” таҳти сарпарастии бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардида, аз ҷониби аҳолӣ, махсусан, хонандагону омӯзгорон ва ҷавонону табақаи калонсоли кишвар дастгирии васеъ пайдо кардааст.