ВАТАН-МОДАР БЕИМОНУ БЕИНСОФ, БЕВИҶДОН ВА БЕНАНГУ НОМУСРО НАМЕПАРВАРАД
- Нашр шуд: 02.10.2023 17:58
Партави некон нагирад ҳар кӣ бунёдаш бад аст....Дар ҳақиқат Саъдӣ Шерозӣ дар "Гулистон"- худ дуруст ва ба ҷо фармудааст, ки:
Партави некон нагирад ҳар кӣ бунёдаш бад аст,
Тарбият номаҳоро чун гирдакон бар гунбад аст.
Бухлу ҳасаду уҷбу кинаву адоват нисбати давлату миллати куҳанбунёду тамаддунофари тоҷик чунон чашмони хоинону насли фасодро кӯр кардаву гушҳояшонро кар карда, пулҳояшонро тирра кардааст, ки намебинанду намешунаванду дарк намекунанд. Касе набошад Кабирӣ аст, Муҳаммадиқбол аст ё каси дигаре. Дар ҳақиқат тоифае ҳастанд феълу атвори каждумро доранд, инро фаҳмидан мумкин. Лекин ба ин дараҷа имону инсофу виҷдон ва Ватану миллату дину мазҳаби худро баҳри амалӣ гаштани ҳадафҳои нопоку ифлосу ҳароми худ мефурӯшанд, ҳоҷати гапу сухан нест. Гоҳ аз дину мазҳаб ва гоҳе аз Ватану миллат, гоҳе аз номи миллату Ватан баромад карда, худро муаррифгару дустдору некбини миллату давлату ватану дину мазҳаб мешуморанд, куҷост он имону виҷдону инсофи Шумо "дӯстдорону ҳаводорони ин миллату ин Ватан" ?! Бемаданиятиву бефарҳангӣ ва беномусие, ки шумо беватанон дар давлати Олмон нишон додед ин хоси на миллати куҳанбунёди тоҷик асту на хоси дини мубини ислому на мазҳаби Имоми Аъзам. Шумо фатанфурушон ҳам миллату, ҳам давлату, ҳам дину мазҳабро поймол кардед. Дар маданияту хиради азалии тоҷик ҳурмату иззат нисбат ба бузургон буд, аз ин бармеояд, ки Шумо бемиллатон аз хуни Рудакиву Фирдавсию Сино, Хайёму Ҷомию Мавлоно, Донишу Айниву Турсунзода ва ғайраҳо ғайра бузургону абармардони миллати тоҷик нестед. Дар дини мубини ислом ва мазҳаби Абӯ Ҳанифа низ панду ҳикмат аз хирадмандию сафову сахо, сулҳу ваҳдату дӯстӣ ва дуст доштану ҳифз намудани марзу буму миллату давлату сарвари он гуфта шудааст, пас аз ин бармеояд, ки шумо на мусулмон ҳастеду на дар мазҳаби Эмоми Аъзам. Зеро:
Муфассал: ВАТАН-МОДАР БЕИМОНУ БЕИНСОФ, БЕВИҶДОН ВА БЕНАНГУ НОМУСРО НАМЕПАРВАРАД
Имрӯз , ки мо тоҷикон соҳиби Ватани озоду обод гаштаем, набояд фаромӯш кунем, ки беватаниву бедавлатиҳо бар сари мардуми мо чиҳо оварда буд. Шаҳди истиқлол имкон дод, ки насли имрӯзаи миллати тоҷик таҳти роҳбарии Президенти муаззами кишвар муҳтарам- Эмомалӣ Раҳмон рӯ ба сӯйи ояндаи дурахшон намуда истодааст. Ва бархе аз нафарони ноҷавонмард-хоинони миллат-гурӯҳи 24 аз бухлу кина ва ҳасудӣ рушду нумӯи Тоҷикистони азизро дар арсаи байналмилалӣ дида наметавонанд, мехоҳанд ба миллату давлати тоҷикон санги маломат зананд.
Ҷумҳурии Тоҷикистон дар харитаи сиёсии ҷаҳони имрӯза ҳамчун давлати соҳибихтиёру соҳибистиқлол ва дорои ҳамаи аломату рукнҳои давлатдорӣ - умумияти забону ҳудуд ва фарҳанг, халқи дорои тамаддуни оламшумул, рамзҳои давлатӣ: Суруди миллӣ, Парчами давлатӣ ва Нишони давлатӣ, пойтахт, пули миллӣ - сомонӣ ва яке аз марказҳои тамаддуни ҷаҳонӣ дар Машриқзамин арзи ҳастӣ дорад, ки ин боиси ифтихори ватандории ҳар яки мову шумо мебошад.